الاتصالات . . . وقضايا . . . المجتمع
أول الطريق إلى الحكمه هو أن نسمي الأشياء بأسمائها الحقيقية – وباب الاتصالات وقضايا المجتمع يلقي الأضواء علي تأثيرات تكنولوجيا الاتصالات والمعلومات علي القضايا الاجتماعية والأمور العظيمة قادمة وتستحق أن نحيا ونموت مـن أجلها .
المغنيه الصلعاء مازالت صلعاء
ليوجن يونيسكو . . كاتب المسرح العالمي . . مسرحيته الشهيره . . المغنيه الصلعاء مازالت صلعاء . . والتي سبق لمسرح الطليعه أن قدمها علي خشبته منذ مايزيد علي عشرين سنه وقام بأخراجها مخرجنا الكبير سمير العصفوري بعد أن قام بتمصيرها وأخراجها بمشاهد من الحاله المصريه . . المغنيه الصلعاء . . عامله فضيحه وجايبه العار . . كتها فضيحه . . المغنيه الصلعاء . . فاضي . . فاضي . . مع الاعتذار لنجمتنا يسرا في الورده الحمراء .
ودائما تأخذنا المغنيه الصلعاء الي أجواء ساحره . . نحن جمهور المستمعون . . الغالبيه منا لم تعتاد هذه الاجواء . . أنها مازالت صلعاء . . وليكتمل الزار يجب أن نعيش في الوهم . . يجب أن لانكون بكامل حواسنا . . يجب أن نعيش في حاله بين الحلم واليقظه . . يجب أن نعيش في دائرة فقد القدره علي الفعل يجب أن نظل في دائرة التسليه المخدره . . حلقه الزار دائره . . والمغنيه في مركز الدائره . . الليل ساحر في سماء القاهره . . الرموز الاسطوريه التاريخيه علي أرض مصر تضفي علي المكان نوعا من السحر . . تنتشر بأرجاء المكان الابخره لتبدأ الطقوس . . وحمله المباخر ينتشرون بالمكان . . ثم تطل علينا المغنيه الصلعاء . . وتطلق أغنياتها . . علي غرار الفاضي . . فاضي المغنيه الصلعاء لاتقدم فنا أصيلا يبقي رغم الزمان . . ولاتقدم كلاسيكيات خالده . . فالفن الراقي يظل لارتباطه بفكره رمزيه . . أو بموقف أنساني . . فالفن الفرعوني ظل خالدا لارتباطه بفكره الخلود . . فالتماثيل الفرعونيه خلت من تفاصيل اللحظه الانسانيه وأبرزت الخلود والفن اليوناني جسد لحظة الصراع الانساني فبرزت التفصيلات . . ومازلنا نعجب بكلاسيكيات رمسي كورسكوف ( موسيقي الف ليله وليله ) وسيمفونيات بيتهوفن وتشايكوفسكي ويوهانز شتراوس وغيرهم الكثير . . واعمالهم مازالت خالده . . لتعبيرها عن شئ صادق في حياتنا . . وعاشت اعمال أدبيه وفنيه راقيه كأنها شخوص خالده في حياة البشر لاحتوائها علي المعني والمضمون الانساني وأبتعدت عن الزيف وخلو المعني . لم تقدم المغنيه الصلعاء غير الخواء . . مازلنا نتذكر زمان قريب عاشت فيه جماهير المصريين علي فن أم كلثوم وعبد الحليم وعبد الوهاب . . كانت هناك الاصاله . . كانت هناك القيمه العاليه التي عبر عنها هذا الفن الجميل كان هناك معاني التحرر والنهضه والتقدم . . كنا هانبني وأدي احنا بنينا السد العالي . . مصر يأمه يابهيه . . ياأم طرحه وجلابيه . . الزمن شاب وانتي شابه . . هو رايح وأنتي جايه . . جايه فوق الصعب ماشيه . . فات عليك ليل وميه . . وأحتمالك هو هو وابتسامتك هي هي . . تضحكي للصبح يضحك بعد ليله ومغربيه . . تطلع الشمس تلاقيك معجبانيه وصبيه يابهيه . . لم تكن حينها المغنيه الصلعاء . . كان السامر . . سامر بحق وحقيق كانت هناك مغنيه . . كان هناك كلاما ذهبي . . حاصر حصارك لامفر . . أضرب عدوك لامفر . . سقطت ذراعي . . فالتقطها . . وأضرب عدوك بي . . فأنت الآن حر وحر وحر .
وحين جاء نزار ليقول . . سرقوا منا الزمان العربي . . سرقوا فاطمه الزهراء من بيت النبي . . أنفض السامر . . وسادت حلقات الزار والغيبوبه وتصاعد الدخان . . وصعدت المغنيه الصلعاء . . وتغني . . ودايما ولاد الآية هناك قاعدين . . هي تغني ودول مبيبطلوش نميمة وتريقه علي خلق الله اللي بيحترقوا من أجل هذا الوطن . . وعشان أول القصيدة كفر فية نميمة بتقول أنهم بيحرقوه .
هاتجن خلاص ياأخوانا ماشفتش لندن ولاباريس ( الله يرحمك ياعم بيرم التونسي ) . . هاتجن والنبي حد يقولي . . لما يكون هناك كيان قوي وضخم وعنده أجهزه تكنولوجيه تقدر تخدم في الاتصالات بكفاءة وبقدرة عاليه . . قوم أيه حد يطلع لنا ويقول ماهو القطاع الخاص كده مش هايقدر يشتغل . . طب أيه المطلوب . . هو أننا نعطل الكيان الكبير ده . . قوم أيه نروح ماشين ورا الكلام ده . . بقي دا معقول . . هو ذنبه يعني أنه كبير هاتجن خلاص ياأخوانا .
. وكلمني ع المحمول . . ولو هاتلاقيه مشغول . . وعشان خاطر سمير صبري ( المطرب والممثل ومقدم البرامج والفنان الاستعراضي ) هانعمل الشبكه الثالثه للمحمول . . كلاكيت تاني مره . . ومناخ الاستثمار وحالة الكساد العالمي ماتسمحش دلوقت ( المقصود عام 2003 ) أننا نعمل شركة ثالثة للمحمول . . طب وبعدين لما سمير صبري يزعل . . طب وها يزعل ليه ماعنده الشركتين ماشاء الله عاملين شغل كويس جدا . . أيوه بس دول عاملين أحتكار في السوق ومستقوين ومتحكمين في الاسعار . . وبعدين زي ما أنت شفت بعد الاعلان عن الغاء الشركة الثالثة عملوا عمايل مش كويسة ابدا ، غيروا النظام اللي ماشية بين الناس وعلي قد فهمنا البسيط . . عايزين يأخدوا من الناس مقدما اللي ناويين يدفعوه عشان المصرية للاتصالات تسيب الرخصة الثالثة وماتستخدمش حيز الترددات اللي أخدته . . أدي ياعم القطاع الخاص عندنا . . بدل مايخصص جزء من الارباح اللي بيحققها عشان يتوسع بيها في استثماراته . . يآخد من جيوب الناس مقدما . . يعني يتحكم في السعر . . يتحكم في الأجهزة اللي تدي الرخص . . يتحكم في خلق الله . . يتحكم في مناخ الاستثمار . . يتحكم في مين اللي يكسب ومين اللي مايكسبش . . بص كده بعد سنتين ( في 2005 ) قدر يعمل أغراق في السوق وقدر يضاعف في سنتين عدد المشتركين لاتناشر مليون بعد ماقدر يوصلهم لستة مليون في خمس سنين ( من 1998 الي 2003 ) وبيحقق أرباح في السنه الواحده أكثر من اللي بيدفعه في الاستثمار . . طيب ازاي نبلع أن مناخ الاستثمار مكانش كويس ساعة ماأتلغت الشركة الثالثة أول مره في 2003 . . ياعمي سيب حماده يلعب و SMS . . حماده بالعز خلاص هايحس . . وحماده يلعب . . آه بس كويس أنهم جم في الآخر ونزلوا بالرخصة الثالثة . . وأهم زي مابيقولوا أن اللي عايز يقدم يقدم بس لازم يجيب معاه شريك كبير أجنبي عشان يدخل روؤس أموال أجنبية للبلد . . وأهوه الشركة الأم هاتضطر تزايد علي الرخصة بثمانية مليار بعد ماكانت معاها بأثنين بس وسابتها . . بالذمه دا كلام . . دا مش كده وبس داحنا دلوقتي في ظروف مختلفة جدا . . أنت عارف أن سعر برميل البترول عدي السبعين دولار بعد ماكان من فترة قريبة حوالي أربعين بس . . ودا معناه أن البلاد العربية تحديدا أتوفرت لها سيولة جامدة جدا بتدور تشتري بيها استثمارات هنا وهناك . . يعني تصور أن الامارات رايحة أمريكا وبتشتري نشاط خدمات المواني الامريكية وممكن تدفع عشرة مليار دولار في البيعة دي . . ولكنها سحبت بعد ما الرأي العام في أمريكا كان ضد الصفقة عشان دواعي الامن القومي الامريكي . . شايف الناس اللي عامله حساب للرأي العام وبتحترمه . . طب وهو موضوع الاتصالات مش بيمس الامن القومي برضه ولازم نعمل له برضه حساب . . يعني ظروف الشركة الام صعبه صعبه صعبه وربنا يستر علي الشركة وعلي الوطن وعلينا كلنا . . ياأخي داحنا شايفين أن الشركة دي كبيرة أوي . . أم كل الشركات الكبيرة في مصر . . ولها تجارب كويسه أوي في تحويل الشغل في الاتصالات في مصر بعد ماكان الاجانب هم الي بيمولوا . . قدرت هي اللي تعمل تمويل ذاتي وتمول كمان مشروعات قومية كبيرة زي مترو الانفاق . . يعني موضوع كبير أوي . . وهي كمان مغطيه كل حته في مصر وبتتحمل مسئوليتها الاجتماعية في نشر الخدمه في القري والنجوع . . يعني لو خدت الفرصه هاتعمل لنا خدمات في الاتصالات وبسعر كويس وهاتساعدنا علي ضبط السوق ومواجهة الاحتكار . . يعني بتعمل لصالح البلد والناس . . وكمان عندها ناس بتشتغل زي الفل قادرين يتعاملوا مع أحدث تكنولوجيا في العالم وبيصونوها كويس . . يعني مش هانحتاج حد يشغل لنا من بره . . يبقي ناقص أيه بقي . . بيني وبينك . . مايبقاش ناقص حاجه . . بس اللي يفهم . . وربنا يستر . . .
واحنا بلدنا بلد سواح فيها الاجانب ( بترعرع ) و ( بتلعلع ) . . وعقدة الخواجه يظهر مش ها نتخلص منها أبدا . . ياراجل دا فيه ناس لها علاقات ومصالح بالامريكان والانجليز وملهاش علاقات بالناس الي ساكنه معاها في نفس العماره . . وتيجي تقولي الفجوة الرقمية هاتسدها . . طب ازاي واحنا بلدنا بلد سواح . . أحنا مش عندنا الآثار وبس . . أحنا كمان سوق كبير يشد . . كنا سوق لمنتجات صناعية . . وأحنا بلدنا بلد سواح . . وعشان كده لازم نستمر سوق لمنتجات العصر الحديث . . المنتجات المعلوماتيه . . ودا عشق قديم . . سلوا اللي سبقونا . . والضفر عيب يطلع من اللحم والي يفوت قديمه يتوه . . دم اللي سبقونا بيجري في عروقنا . . واصل أي محاوله لتغيير اللي صاير والمقدر المكتوب علينا . . موضوع خطر . . ثم أحنا مش عاوزين نودي البلد في داهية . . وآه ه ه يابلد . . . . بص أسمع الحكاية دي . . أحنا أستغلينا أمكانياتنا السياحه في سياحه المؤتمرات . . زي ماأنت عارف أحنا أبتدينا نشارك في مؤتمرات المنتدي الاقتصادي العالمي من يناير 1997 والمنتدي الاقتصادي أبتدا من سنة 1970 واللي أسسه واحد اسمه كلاوس شواب وهو أستاذ من الجامعة في سويسرا ومتخصص في اداره الاعمال وكان هدفه الرئيسي أن أزاي الشركات الاوربية تقدر تواجه تحديات العولمه وكانوا عملوا أول أجتماع لهم في دافوس ، ودي منطقة واقعة قرب جبال الالب في سويسرا واللي بيحضر الاجتماع ده رؤساء دول وحكومات ووزراء ماليه ورؤساء بنوك ورؤساء مجالس ادارات مؤسسات عالميه كبيره جدا . . وكانت المرات اللي المؤتمر أنعقد فيها بره سويسرا هم أربع مرات ، مره في نيويورك للتضامن مع الامريكان بعد أحداث سبتمبر ، وثلاث مرات آخري استثنائية ، ثلاث مرات في الاردن ومره في شرم الشيخ والدول اللي بيعقد فيها المؤتمرات خارج دافوس لازم تثبت مدي تعاونها في قبول شروط التمويل الاجنبي بدعوي الاصلاح الاقتصادي . . يعني هم بالاساس بيحاولوا يفتحوا السكك أمام الشركات والمؤسسات الدولية الكبري وعايزين يحرروا الاسواق ويسرعوا بمعدلات الخصخصة في البلدان النامية وعايزين ناس تتعاون معاهم في عمليات الاجتياح دي . . ياأخي أنا مش عارف ليه دايما يخطر علي بالي موضوع كنت قريت عنه اسمه الجمعية السريه التي تحكم العالم وكانت نشرته صحيفة كندية اسمها كانديان سيتيزن . . يعني المواطن الكندي . . كانت بتتكلم عن جمعية اسمها بيلدبرج والجمعية دي فيها أبرز الوجوه البارزة في عالم السياسه والمال والاعمال وملوك ورؤساء ورجال بنوك وبارونات صحف واعلام ودايما بيقولوا أنهم بيحاولوا يوحدوا الشعوب ويقاربوا بين الثقافات زي بتوع العولمه مابيقولوا وهايدمجوا الشعوب في أمه واحده لها جنسية واحدة وعمله واحده ودستور واحد والجماعة مش عايزة توحد العالم عشان سواد عيون البشرية المعذبة ولكن الجماعه أنشئت عام 1954 وأسسها الامير الهولندي برنارد والجماعه دي تشبه الجماعه الماسونية اللي أتكلموا عليها كتير وقالوا أنها تحكم العالم منذ الثلاثينات وخصوصا أن كلاوس شواب مؤسس المنتدي العالمي ينتمي الي الجماعة الصهيونية . . والفرق بين جمعية بيلدبرج والجماعة الماسونية أنهم مش جماعة عقائدية ولاهي جماعه دينية متطرفة مثل الجماعات الدينية المتطرفة في أمريكا ولكنها جماعه سياسيه ماليه بحته ودي فيها ناس زي هنري كيسنجر والملك خوان كارلوس والملكه صوفيا وأحمد الجبلي أحد مفاتيح المخابرات المركزية الامريكية في الشرق الاوسط وشركة الكوكاكولا وريتشارد بيرل مهندس الحرب علي العراق وهم يتحركون في الظلام . . والمال هو المحرك الاول والاخير لكل ماتفعله الجماعه . . والجماعه عقدت مؤتمر مؤخرا في أوتاوا في كندا وموضوع اعماله الرئيسية هو الشرق الاوسط . . وربنا يستر
والحياة بقي لونها بمبي وإسهال التصريحات عن كمبيوتر لكل طالب ، كمبيوتر لكل منزل ، كمبيوتر لكل مواطن ، حتي الاطفال كمان مانسينهاش . . كمبيوتر لكل طفل ، وحتي الفقراء كمان . . كمبيوتر لكل فقير يعني قدرنا نغطي احتياجات كل شرائح المجتمع عشان ماحدش يزعل وعموما اللي يزعل يشرب من البحر واذا كنا نسينا في هوجة هذه التصريحات أننا نوظف أستخدام الكمبيوتر لهذه الشرائح في الحاجات اللي هما محتاجينها . . فأعذرونا ياجماعة دلوقتي لما نصرف اللي احنا جمعناه هنا واللي احنا جايبينه من بره نبقي نشتغل علي المحور الثاني اللي هو محور الاستخدام والتوظيف ومش مشكلة كبيرة أن أحنا نربطهم ببعض دلوقتي وبعدين القطاع الخاص عندنا لازم ينمو وهو يعني القطاع الخاص يهمه أيه بعد البضائع ماتتباع . . أن اللي اشتراها يستخدمها أو مايستخدمهاش ولاحتي يرميها . . المهم القطاع الخاص يكبر ولازم نرعاه أولا . . طب وهو ياأبا يعني ماينفعش نهتم بالاثنين . . تنمية القطاع الخاص وتنمية توظيف التكنولوجيا في حياتنا الاجتماعية . . لا طبعا . . صاحب بالين كداب .
واحنا بلدنا بلد سواح . . يعني مثلا اللي بيحصل بخصوص موضوع الفجوة الرقمية والكلام السايد علي أنها نقص امكانيات بس هو نوع من الخداع . . يعني الكلام عنها علي أساس عندكو ولامعندكوش هو كلام لامؤاخذة . . يعني هو بعد مايكون عندنا هانعمل بيه أيه . . الفجوة الرقمية دي عرض . . مش مرض . . يعني هو معقول يكون فيه فجوة رقمية من غير مايكون عندنا فجوة علمية أو سياسية ازاي ممكن نتكلم عن الموضوع ده وأحنا مانتكلمش عن الأمية مثلا معندناش شفافية في تبادل المعلومات ، البحوث والتطوير مابنصرفش عليها . . طب داحنا كان عندنا سكك حديدية تاني بلد في العالم وعشان كان أستخدامها كان مرتبط بخطط الاستعمار البريطاني في توظيف بلدنا كسوق استهلاكي . . مقدرناش نعدي الفجوة الصناعية وهي اللي بيحصل دلوقتي بالضبط . . ماأحنا عندنا أجهزة متقدمة لكن المهم أحنا بنستخدمها في أيه ، هو دا الكلام المهم . . يعني هو معقول اللي كان بيحصل في العهد الصناعي أن أحنا نفضل سوق للمنتجات الصناعية ، يفضل يحصل لغاية دلوقتي أن أحنا نبقي سوق للمنتجات المعلوماتية يعني نفضل نتلقي البضائع باسم حل الفجوة الرقمية . . اسمع أنا هاقولك اللي بيحصل بالضبط الشركات الكبيرة اللي بيسموها متعددة الجنسيات بتعمل علي خلق فئات داخل المجتمع بتبقي مرتبطه بالخارج وبتسيطر علي مصادر الثروة والنفوذ في العالم لدرجة أننا أحيانا بنلاقي أن فيه ناس ليها أصدقاء من أمريكا ولندن ومش قادر يعمل علاقات مع جيرانه في نفس العمارة . . أحنا في الحقيقة عشنا سنوات كثيرة من الاستعمار وأحنا واقعين تحت سياسة تبعية . . هناك قيود كثيرة علي حرية الرأي والفساد يستشري هناك قيود موضوعة علي الاستخدام تمثل قهرا وكبت سياسي وتفرز ظلما اجتماعيا ولن يجدي معها زيادة أجهزة الكمبيوتر . . والفجوة الرقمية دي في الحقيقة هي نتيجة أزمات أجتماعية وليست نقص في مهمات تقنية
ياسلام لم ياجدعان . . علي الناس الجنتلمان . . داحنا هانتمنجه واصل والعيشة هاتبقي جنان . . التليفزيون هايلون والجمعيات تكون والعربيات هاتمون بدل البنزين بارفان . . وأديها ادي . . والحكومه هاتبقي اليكترونية وعملنا هيئة لتنمية صناعة تكنولوجيا المعلومات عشان تنشط اعمال الشركات الوطنية وطبعا زي مانعرف ضروري الشركات الوطنية . . دي تعاملات حكومية . . برضه مش معقول تبقي مصارين ودماغ البلد في أيد أحتكارات أجنبية . . التوقيع هايبقي اليكتروني والمعاملات التجارية هاتم بلمسة زر . . والرخصة والباسبور والبطاقة . . كله اليكتروني . . دا موضوع كبير أوي . . طب والشفافية والتأمين والتكاليف علي المواطنين . . ماهو عشان كده لازم تكون شركة وطنية ونعتمد علي الابداع المحلي ونحقق المعادلة الصعبة . . ماأحنا علمنا ناس كتير وحطينا قواعد وعملنا قوانين عشان ننظم الموضوع . . لكن كالعاده ولاد الحرام ماسابوش لاولاد الحلال حاجة . . ولاد الآيه الجورنالجية بيكلموا عن فضيحة ذكية . . أن المناقصة اللي هايختاروا فيها شركة تنفذ المشروع عشان نتمنجه بدل الطوابير اللي هلكتنا عشان نطلع رخصه ولاباسبور ولابطاقه . . طلع فيها ان . . قال ايه عا يزين يرسوا المناقصة علي شركة أجنبية لها علاقات بمسئولين وكمان هايسيبوا الشركة دي تعمل مابدالها عشان تجمع معلومات عن سوق مصر . . دا بالرغم من أن هناك شركات وطنية أتقدمت للمناقصة والتزمت بتخفيض سعر الخدمه وجعلها في مقدور الغني والفقير ولاتستعين بأي جهة أجنبية . . فالتأمين هنا متوفر بجد وكمان سعر أستخدامها ممكن يتقسط علي فاتورة التليفون . . ايه ياعم اللي بيحصل ده . . آمال العيشة هاتبقي جنان أزاي .
ومع الاعتذار لفيلم الكيف لمحمود عبد العزيز يظهر ستاموني ويقول شعرا ياحلو بانت لبتك أول مادابت قشرتك . . تحرم عليا محبتك وراح أتوب عن سكتك . . القلب منك مليان جفا . . والصبر من قلبي أتنفي وضاع معاك كل الصفا ضيعته بعندك ياأفا . . ياأفا . . ياأفا . . وآه وآه ياستاموني . . والمحتوي مهم جدا زي ماأنتوا شايفين ولازم يكون له مبادره . . ومبادارت وزي مالدكتور نبيل علي بيقول ، عشان نفهم يعني أيه محتوي معلوماتي لازم نتصور موضوع شبكات ومواسير الميه تشبه بالضبط شبكات الكوابل والفيبر . . والمحتوي هنا زي الميه اللي ماشية في المواسير . . ولو ماكانش فيه ميه ماشيه في المواسير يبقي الشبكات مالهاش لازمة . . وممكن الميه تكون مش نضيفه أوي ، يبقي المحتوي مش ولابد بدون مايساهم في زيادة الانتاج . . يبقي المحتوي اللي ماشي في الشوارع . . ولامؤاخذة .
ودي بقي في موضوع الاتصالات والمعلومات . . اذا كان أستخدامنا لشبكات الاتصالات في التسالي والترفيه بدون مانوظف المحتوي المنقول علي الشبكات دي في التطوير والتنمية والبحث العلمي والتعليم والصحه وتحسين أحوالنا المعيشية يبقي برضه لامؤاخذة . . محتوي بطال . . عشان كده مهم قوي نشوف اللي جوه القشرة . . اللبه نوعها أيه . . يعني عار علينا مثلا أن أحنا نجيب أجانب عشان يحطوا لنا المحتوي التاريخي والثقافي للآثار اللي عندنا علي مواقع شبكات المعلومات والانترنت وأن أحنا مانعملش الكلام ده . . يعني حرام علينا مثلا أن بعد ماصرفنا دم قلبنا علي مد شبكات للاتصالات والمعلومات ومانربطهاش ونوظفها في التعليم والصحه بالعربي وبالانجليزي . . يعني نبقي أحنا خسرانين جامد لو ماعرضناش تاريخنا بكل لغات العالم ونخلي كل العالم يدخل يتفرج علي تاريخنا ومواقعنا الاليكترونية زي مابيجي يزورنا هنا ويعمل سياحه طبيعية . . ليه مانخلهوش يعمل سياحه تخيليه . . ليه مانوظفش الشبكات دي في خدمة التنمية الزراعية وتحسين معيشة الفلاحين مثلا . . أنت شفت مثلا البنوك كان عليها زحام فظيع ازاي وقت الناس ماراحت تسحب مدخرات علشان تشتري سهم المصرية للاتصالات . . ماكينات الصرف الآلي اللي في البنوك محلتش موضوع الزحمة دي مش برضه لو كان القطاعات المالية والبنوك بتعتمد في شغلها علي شبكات المعلومات والاتصالات صح . . مكانش حصل اللي شفناه ده . . أحنا بنخش علي مواقع الوزارات مابنلقيش غير شوية بيانات كل الناس عارفاها وبتقعد فترة كبيرة ماحدش بيحدث البيانات دي . . أحنا لسه بنشوف طوابير ومركزية من الناس الغلابة عشان يطلعوا بطاقة ولارخصة عربية والكلام الكتير اللي أحنا سامعينه عن الحكومة الاليكترونية لسه كلام في كلام . . يعني نرجع تاني لموضوع أحنا عندنا أحدث تكنولوجيا . . أنما أحنا بنعمل بيها أيه وكله كله كوم وعشقنا وحبنا للفجوة الرقمية كوم . . وأحبك ياسيتاموني .
. . بس بقي ياجماعه خلونا نسمع أغنية التحرير . . تحرير الخدمات دا شئ ضروري . . أحنا هانجذب الاستثمارات العالمية . . مش عارف هاتيجي لينا أزاي . . عشان تاريخنا الطويل ! ! مش قلت لك قبل كده أحنا سوق كبير . . أيوه كل ده حلو . . لكن دي بتنخفض . . دول بيسحبوا فلوسهم من البورصه وبيخرجوا بره . . بس برضه ضروري هم بيدوروا علي فرص استثماروهم باصين كويس لينا يعني هم عارفين حجم السوق وعارفين معدلات الانتشار للخدمات التليفونية وعشان كده هم ساعات بيعرضوا علينا قروض كتير عشان يدخلوا . . كل دا حلو بس اللي حاصل غير كده . . هم برضه عارفين أن فيه مخاطر . . هم دايما بيجوا لما بتقل نسبة المخاطره . . ودي بتقل بمشاركة ناس من البلد أو بنوك وطنية في المشروعات والبلد كلها والناس اللي فيها بيطمنوا لما نسبة مشاركتنا تكون أعلي منهم بحاجه بسيطة عشان مايتحكموش فينا ويستنزفوا الارباح ويخرجوها بره وده يضمن بالفعل نقل الخبرات للعماله المصرية ويخلينا نملي شروطنا ونعمل تنمية حقيقية . . وبرضه مع التحرير ده أحنا عايزين نحمي البلد والناس اللي فيها ، عايزين نقوي الكيان الكبير عندنا الشركة الأم عشان السوق بتاعنا يفضل في أمان ومايتاخدش مننا . . زي مابيحصل في الصين . . عاملين تحرير للسوق وبيجذبوا روؤس أموال من خارجهم كثير جدا لكن بيخلوا المدخرات الوطنية تشارك بنسبة أعلي عشان يعملوا كنترول علي السوق وزي ماأنت شايف معدلات التنمية هناك مش محتاجة تعليق . . هو فيه أكثر من أنهم بيسموهم المارد الصيني ,امريكا ماتقدرش تدوس لهم علي طرف . . مش زي ماهنا التحرير والخصخصة ريحتهم فاحت . . طب ماهي الصين فيها قطاع خاص وتحرير . . وتاريخنا أحنا أقدم من تاريخهم . . لكن تقول أيه . . هم بيظبطوا القطاع الخاص هناك وأحنا هنا بنرضعه وبنطبطب عليه وندلعه . . زي مانانسي عجرم بتقول . . هو بيكون عليه ديون قد كده . . وبنديله فترات سماح للسداد وعليهم بوسه وياريت بيسدد في الآخر .
وفي الآخر أيه ذنب المواطن في القصه دي . . الخدمات بتغلي عليه وبيصرخ . . وآ آ آ آ آ آ ه يابلــــــد .
لنزار قباني قصيدة " بلقيس " . . ساقول في التحقيق / كيف غزالتي ماتت بسيف أبي لهب / كل اللصوص من الخليج الي المحيط / يدمرون / ويحرقون / وينهبون / ويرتشون / ويعتدون علي النساء / كما يريد أبو لهب / كل الكلاب موظفون / ويأكلون / ويسكرون / علي حساب أبي لهب / لاقمحه في الارض تنبت دون رأي أبي لهب / لاطفل يولد عندنا / الا وزارات أم يوما / فراش أبي لهب / لاسجن يفتح / دون رأي أبي لهب / لارأس يقطع / دون أمر أبي لهب / ساقول كيف أستنزفوا دمها / وكيف استملكوا قمحها / فما تركوا به وردا / ولاتركوا عنبا / هل موت بلقيس / هو النصر الوحيد / بكل تاريخ العرب / بلقيس / يامعشوقتي حتي الثماله / الانبياء الكاذبون / يقرقضون / ويكذبون علي الشعوب ولارساله .
ساقول في التحقيق / أني اعرف الاسماء / والاشياء / والسجناء / والشهداء / والفقراء / والمستضعفين / وأقول أني اعرف السياف قاتل زوجتي / ووجوه كل المخبرين .
أول الطريق إلى الحكمه هو أن نسمي الأشياء بأسمائها الحقيقية – وباب الاتصالات وقضايا المجتمع يلقي الأضواء علي تأثيرات تكنولوجيا الاتصالات والمعلومات علي القضايا الاجتماعية والأمور العظيمة قادمة وتستحق أن نحيا ونموت مـن أجلها .
المغنيه الصلعاء مازالت صلعاء
ليوجن يونيسكو . . كاتب المسرح العالمي . . مسرحيته الشهيره . . المغنيه الصلعاء مازالت صلعاء . . والتي سبق لمسرح الطليعه أن قدمها علي خشبته منذ مايزيد علي عشرين سنه وقام بأخراجها مخرجنا الكبير سمير العصفوري بعد أن قام بتمصيرها وأخراجها بمشاهد من الحاله المصريه . . المغنيه الصلعاء . . عامله فضيحه وجايبه العار . . كتها فضيحه . . المغنيه الصلعاء . . فاضي . . فاضي . . مع الاعتذار لنجمتنا يسرا في الورده الحمراء .
ودائما تأخذنا المغنيه الصلعاء الي أجواء ساحره . . نحن جمهور المستمعون . . الغالبيه منا لم تعتاد هذه الاجواء . . أنها مازالت صلعاء . . وليكتمل الزار يجب أن نعيش في الوهم . . يجب أن لانكون بكامل حواسنا . . يجب أن نعيش في حاله بين الحلم واليقظه . . يجب أن نعيش في دائرة فقد القدره علي الفعل يجب أن نظل في دائرة التسليه المخدره . . حلقه الزار دائره . . والمغنيه في مركز الدائره . . الليل ساحر في سماء القاهره . . الرموز الاسطوريه التاريخيه علي أرض مصر تضفي علي المكان نوعا من السحر . . تنتشر بأرجاء المكان الابخره لتبدأ الطقوس . . وحمله المباخر ينتشرون بالمكان . . ثم تطل علينا المغنيه الصلعاء . . وتطلق أغنياتها . . علي غرار الفاضي . . فاضي المغنيه الصلعاء لاتقدم فنا أصيلا يبقي رغم الزمان . . ولاتقدم كلاسيكيات خالده . . فالفن الراقي يظل لارتباطه بفكره رمزيه . . أو بموقف أنساني . . فالفن الفرعوني ظل خالدا لارتباطه بفكره الخلود . . فالتماثيل الفرعونيه خلت من تفاصيل اللحظه الانسانيه وأبرزت الخلود والفن اليوناني جسد لحظة الصراع الانساني فبرزت التفصيلات . . ومازلنا نعجب بكلاسيكيات رمسي كورسكوف ( موسيقي الف ليله وليله ) وسيمفونيات بيتهوفن وتشايكوفسكي ويوهانز شتراوس وغيرهم الكثير . . واعمالهم مازالت خالده . . لتعبيرها عن شئ صادق في حياتنا . . وعاشت اعمال أدبيه وفنيه راقيه كأنها شخوص خالده في حياة البشر لاحتوائها علي المعني والمضمون الانساني وأبتعدت عن الزيف وخلو المعني . لم تقدم المغنيه الصلعاء غير الخواء . . مازلنا نتذكر زمان قريب عاشت فيه جماهير المصريين علي فن أم كلثوم وعبد الحليم وعبد الوهاب . . كانت هناك الاصاله . . كانت هناك القيمه العاليه التي عبر عنها هذا الفن الجميل كان هناك معاني التحرر والنهضه والتقدم . . كنا هانبني وأدي احنا بنينا السد العالي . . مصر يأمه يابهيه . . ياأم طرحه وجلابيه . . الزمن شاب وانتي شابه . . هو رايح وأنتي جايه . . جايه فوق الصعب ماشيه . . فات عليك ليل وميه . . وأحتمالك هو هو وابتسامتك هي هي . . تضحكي للصبح يضحك بعد ليله ومغربيه . . تطلع الشمس تلاقيك معجبانيه وصبيه يابهيه . . لم تكن حينها المغنيه الصلعاء . . كان السامر . . سامر بحق وحقيق كانت هناك مغنيه . . كان هناك كلاما ذهبي . . حاصر حصارك لامفر . . أضرب عدوك لامفر . . سقطت ذراعي . . فالتقطها . . وأضرب عدوك بي . . فأنت الآن حر وحر وحر .
وحين جاء نزار ليقول . . سرقوا منا الزمان العربي . . سرقوا فاطمه الزهراء من بيت النبي . . أنفض السامر . . وسادت حلقات الزار والغيبوبه وتصاعد الدخان . . وصعدت المغنيه الصلعاء . . وتغني . . ودايما ولاد الآية هناك قاعدين . . هي تغني ودول مبيبطلوش نميمة وتريقه علي خلق الله اللي بيحترقوا من أجل هذا الوطن . . وعشان أول القصيدة كفر فية نميمة بتقول أنهم بيحرقوه .
هاتجن خلاص ياأخوانا ماشفتش لندن ولاباريس ( الله يرحمك ياعم بيرم التونسي ) . . هاتجن والنبي حد يقولي . . لما يكون هناك كيان قوي وضخم وعنده أجهزه تكنولوجيه تقدر تخدم في الاتصالات بكفاءة وبقدرة عاليه . . قوم أيه حد يطلع لنا ويقول ماهو القطاع الخاص كده مش هايقدر يشتغل . . طب أيه المطلوب . . هو أننا نعطل الكيان الكبير ده . . قوم أيه نروح ماشين ورا الكلام ده . . بقي دا معقول . . هو ذنبه يعني أنه كبير هاتجن خلاص ياأخوانا .
. وكلمني ع المحمول . . ولو هاتلاقيه مشغول . . وعشان خاطر سمير صبري ( المطرب والممثل ومقدم البرامج والفنان الاستعراضي ) هانعمل الشبكه الثالثه للمحمول . . كلاكيت تاني مره . . ومناخ الاستثمار وحالة الكساد العالمي ماتسمحش دلوقت ( المقصود عام 2003 ) أننا نعمل شركة ثالثة للمحمول . . طب وبعدين لما سمير صبري يزعل . . طب وها يزعل ليه ماعنده الشركتين ماشاء الله عاملين شغل كويس جدا . . أيوه بس دول عاملين أحتكار في السوق ومستقوين ومتحكمين في الاسعار . . وبعدين زي ما أنت شفت بعد الاعلان عن الغاء الشركة الثالثة عملوا عمايل مش كويسة ابدا ، غيروا النظام اللي ماشية بين الناس وعلي قد فهمنا البسيط . . عايزين يأخدوا من الناس مقدما اللي ناويين يدفعوه عشان المصرية للاتصالات تسيب الرخصة الثالثة وماتستخدمش حيز الترددات اللي أخدته . . أدي ياعم القطاع الخاص عندنا . . بدل مايخصص جزء من الارباح اللي بيحققها عشان يتوسع بيها في استثماراته . . يآخد من جيوب الناس مقدما . . يعني يتحكم في السعر . . يتحكم في الأجهزة اللي تدي الرخص . . يتحكم في خلق الله . . يتحكم في مناخ الاستثمار . . يتحكم في مين اللي يكسب ومين اللي مايكسبش . . بص كده بعد سنتين ( في 2005 ) قدر يعمل أغراق في السوق وقدر يضاعف في سنتين عدد المشتركين لاتناشر مليون بعد ماقدر يوصلهم لستة مليون في خمس سنين ( من 1998 الي 2003 ) وبيحقق أرباح في السنه الواحده أكثر من اللي بيدفعه في الاستثمار . . طيب ازاي نبلع أن مناخ الاستثمار مكانش كويس ساعة ماأتلغت الشركة الثالثة أول مره في 2003 . . ياعمي سيب حماده يلعب و SMS . . حماده بالعز خلاص هايحس . . وحماده يلعب . . آه بس كويس أنهم جم في الآخر ونزلوا بالرخصة الثالثة . . وأهم زي مابيقولوا أن اللي عايز يقدم يقدم بس لازم يجيب معاه شريك كبير أجنبي عشان يدخل روؤس أموال أجنبية للبلد . . وأهوه الشركة الأم هاتضطر تزايد علي الرخصة بثمانية مليار بعد ماكانت معاها بأثنين بس وسابتها . . بالذمه دا كلام . . دا مش كده وبس داحنا دلوقتي في ظروف مختلفة جدا . . أنت عارف أن سعر برميل البترول عدي السبعين دولار بعد ماكان من فترة قريبة حوالي أربعين بس . . ودا معناه أن البلاد العربية تحديدا أتوفرت لها سيولة جامدة جدا بتدور تشتري بيها استثمارات هنا وهناك . . يعني تصور أن الامارات رايحة أمريكا وبتشتري نشاط خدمات المواني الامريكية وممكن تدفع عشرة مليار دولار في البيعة دي . . ولكنها سحبت بعد ما الرأي العام في أمريكا كان ضد الصفقة عشان دواعي الامن القومي الامريكي . . شايف الناس اللي عامله حساب للرأي العام وبتحترمه . . طب وهو موضوع الاتصالات مش بيمس الامن القومي برضه ولازم نعمل له برضه حساب . . يعني ظروف الشركة الام صعبه صعبه صعبه وربنا يستر علي الشركة وعلي الوطن وعلينا كلنا . . ياأخي داحنا شايفين أن الشركة دي كبيرة أوي . . أم كل الشركات الكبيرة في مصر . . ولها تجارب كويسه أوي في تحويل الشغل في الاتصالات في مصر بعد ماكان الاجانب هم الي بيمولوا . . قدرت هي اللي تعمل تمويل ذاتي وتمول كمان مشروعات قومية كبيرة زي مترو الانفاق . . يعني موضوع كبير أوي . . وهي كمان مغطيه كل حته في مصر وبتتحمل مسئوليتها الاجتماعية في نشر الخدمه في القري والنجوع . . يعني لو خدت الفرصه هاتعمل لنا خدمات في الاتصالات وبسعر كويس وهاتساعدنا علي ضبط السوق ومواجهة الاحتكار . . يعني بتعمل لصالح البلد والناس . . وكمان عندها ناس بتشتغل زي الفل قادرين يتعاملوا مع أحدث تكنولوجيا في العالم وبيصونوها كويس . . يعني مش هانحتاج حد يشغل لنا من بره . . يبقي ناقص أيه بقي . . بيني وبينك . . مايبقاش ناقص حاجه . . بس اللي يفهم . . وربنا يستر . . .
واحنا بلدنا بلد سواح فيها الاجانب ( بترعرع ) و ( بتلعلع ) . . وعقدة الخواجه يظهر مش ها نتخلص منها أبدا . . ياراجل دا فيه ناس لها علاقات ومصالح بالامريكان والانجليز وملهاش علاقات بالناس الي ساكنه معاها في نفس العماره . . وتيجي تقولي الفجوة الرقمية هاتسدها . . طب ازاي واحنا بلدنا بلد سواح . . أحنا مش عندنا الآثار وبس . . أحنا كمان سوق كبير يشد . . كنا سوق لمنتجات صناعية . . وأحنا بلدنا بلد سواح . . وعشان كده لازم نستمر سوق لمنتجات العصر الحديث . . المنتجات المعلوماتيه . . ودا عشق قديم . . سلوا اللي سبقونا . . والضفر عيب يطلع من اللحم والي يفوت قديمه يتوه . . دم اللي سبقونا بيجري في عروقنا . . واصل أي محاوله لتغيير اللي صاير والمقدر المكتوب علينا . . موضوع خطر . . ثم أحنا مش عاوزين نودي البلد في داهية . . وآه ه ه يابلد . . . . بص أسمع الحكاية دي . . أحنا أستغلينا أمكانياتنا السياحه في سياحه المؤتمرات . . زي ماأنت عارف أحنا أبتدينا نشارك في مؤتمرات المنتدي الاقتصادي العالمي من يناير 1997 والمنتدي الاقتصادي أبتدا من سنة 1970 واللي أسسه واحد اسمه كلاوس شواب وهو أستاذ من الجامعة في سويسرا ومتخصص في اداره الاعمال وكان هدفه الرئيسي أن أزاي الشركات الاوربية تقدر تواجه تحديات العولمه وكانوا عملوا أول أجتماع لهم في دافوس ، ودي منطقة واقعة قرب جبال الالب في سويسرا واللي بيحضر الاجتماع ده رؤساء دول وحكومات ووزراء ماليه ورؤساء بنوك ورؤساء مجالس ادارات مؤسسات عالميه كبيره جدا . . وكانت المرات اللي المؤتمر أنعقد فيها بره سويسرا هم أربع مرات ، مره في نيويورك للتضامن مع الامريكان بعد أحداث سبتمبر ، وثلاث مرات آخري استثنائية ، ثلاث مرات في الاردن ومره في شرم الشيخ والدول اللي بيعقد فيها المؤتمرات خارج دافوس لازم تثبت مدي تعاونها في قبول شروط التمويل الاجنبي بدعوي الاصلاح الاقتصادي . . يعني هم بالاساس بيحاولوا يفتحوا السكك أمام الشركات والمؤسسات الدولية الكبري وعايزين يحرروا الاسواق ويسرعوا بمعدلات الخصخصة في البلدان النامية وعايزين ناس تتعاون معاهم في عمليات الاجتياح دي . . ياأخي أنا مش عارف ليه دايما يخطر علي بالي موضوع كنت قريت عنه اسمه الجمعية السريه التي تحكم العالم وكانت نشرته صحيفة كندية اسمها كانديان سيتيزن . . يعني المواطن الكندي . . كانت بتتكلم عن جمعية اسمها بيلدبرج والجمعية دي فيها أبرز الوجوه البارزة في عالم السياسه والمال والاعمال وملوك ورؤساء ورجال بنوك وبارونات صحف واعلام ودايما بيقولوا أنهم بيحاولوا يوحدوا الشعوب ويقاربوا بين الثقافات زي بتوع العولمه مابيقولوا وهايدمجوا الشعوب في أمه واحده لها جنسية واحدة وعمله واحده ودستور واحد والجماعة مش عايزة توحد العالم عشان سواد عيون البشرية المعذبة ولكن الجماعه أنشئت عام 1954 وأسسها الامير الهولندي برنارد والجماعه دي تشبه الجماعه الماسونية اللي أتكلموا عليها كتير وقالوا أنها تحكم العالم منذ الثلاثينات وخصوصا أن كلاوس شواب مؤسس المنتدي العالمي ينتمي الي الجماعة الصهيونية . . والفرق بين جمعية بيلدبرج والجماعة الماسونية أنهم مش جماعة عقائدية ولاهي جماعه دينية متطرفة مثل الجماعات الدينية المتطرفة في أمريكا ولكنها جماعه سياسيه ماليه بحته ودي فيها ناس زي هنري كيسنجر والملك خوان كارلوس والملكه صوفيا وأحمد الجبلي أحد مفاتيح المخابرات المركزية الامريكية في الشرق الاوسط وشركة الكوكاكولا وريتشارد بيرل مهندس الحرب علي العراق وهم يتحركون في الظلام . . والمال هو المحرك الاول والاخير لكل ماتفعله الجماعه . . والجماعه عقدت مؤتمر مؤخرا في أوتاوا في كندا وموضوع اعماله الرئيسية هو الشرق الاوسط . . وربنا يستر
والحياة بقي لونها بمبي وإسهال التصريحات عن كمبيوتر لكل طالب ، كمبيوتر لكل منزل ، كمبيوتر لكل مواطن ، حتي الاطفال كمان مانسينهاش . . كمبيوتر لكل طفل ، وحتي الفقراء كمان . . كمبيوتر لكل فقير يعني قدرنا نغطي احتياجات كل شرائح المجتمع عشان ماحدش يزعل وعموما اللي يزعل يشرب من البحر واذا كنا نسينا في هوجة هذه التصريحات أننا نوظف أستخدام الكمبيوتر لهذه الشرائح في الحاجات اللي هما محتاجينها . . فأعذرونا ياجماعة دلوقتي لما نصرف اللي احنا جمعناه هنا واللي احنا جايبينه من بره نبقي نشتغل علي المحور الثاني اللي هو محور الاستخدام والتوظيف ومش مشكلة كبيرة أن أحنا نربطهم ببعض دلوقتي وبعدين القطاع الخاص عندنا لازم ينمو وهو يعني القطاع الخاص يهمه أيه بعد البضائع ماتتباع . . أن اللي اشتراها يستخدمها أو مايستخدمهاش ولاحتي يرميها . . المهم القطاع الخاص يكبر ولازم نرعاه أولا . . طب وهو ياأبا يعني ماينفعش نهتم بالاثنين . . تنمية القطاع الخاص وتنمية توظيف التكنولوجيا في حياتنا الاجتماعية . . لا طبعا . . صاحب بالين كداب .
واحنا بلدنا بلد سواح . . يعني مثلا اللي بيحصل بخصوص موضوع الفجوة الرقمية والكلام السايد علي أنها نقص امكانيات بس هو نوع من الخداع . . يعني الكلام عنها علي أساس عندكو ولامعندكوش هو كلام لامؤاخذة . . يعني هو بعد مايكون عندنا هانعمل بيه أيه . . الفجوة الرقمية دي عرض . . مش مرض . . يعني هو معقول يكون فيه فجوة رقمية من غير مايكون عندنا فجوة علمية أو سياسية ازاي ممكن نتكلم عن الموضوع ده وأحنا مانتكلمش عن الأمية مثلا معندناش شفافية في تبادل المعلومات ، البحوث والتطوير مابنصرفش عليها . . طب داحنا كان عندنا سكك حديدية تاني بلد في العالم وعشان كان أستخدامها كان مرتبط بخطط الاستعمار البريطاني في توظيف بلدنا كسوق استهلاكي . . مقدرناش نعدي الفجوة الصناعية وهي اللي بيحصل دلوقتي بالضبط . . ماأحنا عندنا أجهزة متقدمة لكن المهم أحنا بنستخدمها في أيه ، هو دا الكلام المهم . . يعني هو معقول اللي كان بيحصل في العهد الصناعي أن أحنا نفضل سوق للمنتجات الصناعية ، يفضل يحصل لغاية دلوقتي أن أحنا نبقي سوق للمنتجات المعلوماتية يعني نفضل نتلقي البضائع باسم حل الفجوة الرقمية . . اسمع أنا هاقولك اللي بيحصل بالضبط الشركات الكبيرة اللي بيسموها متعددة الجنسيات بتعمل علي خلق فئات داخل المجتمع بتبقي مرتبطه بالخارج وبتسيطر علي مصادر الثروة والنفوذ في العالم لدرجة أننا أحيانا بنلاقي أن فيه ناس ليها أصدقاء من أمريكا ولندن ومش قادر يعمل علاقات مع جيرانه في نفس العمارة . . أحنا في الحقيقة عشنا سنوات كثيرة من الاستعمار وأحنا واقعين تحت سياسة تبعية . . هناك قيود كثيرة علي حرية الرأي والفساد يستشري هناك قيود موضوعة علي الاستخدام تمثل قهرا وكبت سياسي وتفرز ظلما اجتماعيا ولن يجدي معها زيادة أجهزة الكمبيوتر . . والفجوة الرقمية دي في الحقيقة هي نتيجة أزمات أجتماعية وليست نقص في مهمات تقنية
ياسلام لم ياجدعان . . علي الناس الجنتلمان . . داحنا هانتمنجه واصل والعيشة هاتبقي جنان . . التليفزيون هايلون والجمعيات تكون والعربيات هاتمون بدل البنزين بارفان . . وأديها ادي . . والحكومه هاتبقي اليكترونية وعملنا هيئة لتنمية صناعة تكنولوجيا المعلومات عشان تنشط اعمال الشركات الوطنية وطبعا زي مانعرف ضروري الشركات الوطنية . . دي تعاملات حكومية . . برضه مش معقول تبقي مصارين ودماغ البلد في أيد أحتكارات أجنبية . . التوقيع هايبقي اليكتروني والمعاملات التجارية هاتم بلمسة زر . . والرخصة والباسبور والبطاقة . . كله اليكتروني . . دا موضوع كبير أوي . . طب والشفافية والتأمين والتكاليف علي المواطنين . . ماهو عشان كده لازم تكون شركة وطنية ونعتمد علي الابداع المحلي ونحقق المعادلة الصعبة . . ماأحنا علمنا ناس كتير وحطينا قواعد وعملنا قوانين عشان ننظم الموضوع . . لكن كالعاده ولاد الحرام ماسابوش لاولاد الحلال حاجة . . ولاد الآيه الجورنالجية بيكلموا عن فضيحة ذكية . . أن المناقصة اللي هايختاروا فيها شركة تنفذ المشروع عشان نتمنجه بدل الطوابير اللي هلكتنا عشان نطلع رخصه ولاباسبور ولابطاقه . . طلع فيها ان . . قال ايه عا يزين يرسوا المناقصة علي شركة أجنبية لها علاقات بمسئولين وكمان هايسيبوا الشركة دي تعمل مابدالها عشان تجمع معلومات عن سوق مصر . . دا بالرغم من أن هناك شركات وطنية أتقدمت للمناقصة والتزمت بتخفيض سعر الخدمه وجعلها في مقدور الغني والفقير ولاتستعين بأي جهة أجنبية . . فالتأمين هنا متوفر بجد وكمان سعر أستخدامها ممكن يتقسط علي فاتورة التليفون . . ايه ياعم اللي بيحصل ده . . آمال العيشة هاتبقي جنان أزاي .
ومع الاعتذار لفيلم الكيف لمحمود عبد العزيز يظهر ستاموني ويقول شعرا ياحلو بانت لبتك أول مادابت قشرتك . . تحرم عليا محبتك وراح أتوب عن سكتك . . القلب منك مليان جفا . . والصبر من قلبي أتنفي وضاع معاك كل الصفا ضيعته بعندك ياأفا . . ياأفا . . ياأفا . . وآه وآه ياستاموني . . والمحتوي مهم جدا زي ماأنتوا شايفين ولازم يكون له مبادره . . ومبادارت وزي مالدكتور نبيل علي بيقول ، عشان نفهم يعني أيه محتوي معلوماتي لازم نتصور موضوع شبكات ومواسير الميه تشبه بالضبط شبكات الكوابل والفيبر . . والمحتوي هنا زي الميه اللي ماشية في المواسير . . ولو ماكانش فيه ميه ماشيه في المواسير يبقي الشبكات مالهاش لازمة . . وممكن الميه تكون مش نضيفه أوي ، يبقي المحتوي مش ولابد بدون مايساهم في زيادة الانتاج . . يبقي المحتوي اللي ماشي في الشوارع . . ولامؤاخذة .
ودي بقي في موضوع الاتصالات والمعلومات . . اذا كان أستخدامنا لشبكات الاتصالات في التسالي والترفيه بدون مانوظف المحتوي المنقول علي الشبكات دي في التطوير والتنمية والبحث العلمي والتعليم والصحه وتحسين أحوالنا المعيشية يبقي برضه لامؤاخذة . . محتوي بطال . . عشان كده مهم قوي نشوف اللي جوه القشرة . . اللبه نوعها أيه . . يعني عار علينا مثلا أن أحنا نجيب أجانب عشان يحطوا لنا المحتوي التاريخي والثقافي للآثار اللي عندنا علي مواقع شبكات المعلومات والانترنت وأن أحنا مانعملش الكلام ده . . يعني حرام علينا مثلا أن بعد ماصرفنا دم قلبنا علي مد شبكات للاتصالات والمعلومات ومانربطهاش ونوظفها في التعليم والصحه بالعربي وبالانجليزي . . يعني نبقي أحنا خسرانين جامد لو ماعرضناش تاريخنا بكل لغات العالم ونخلي كل العالم يدخل يتفرج علي تاريخنا ومواقعنا الاليكترونية زي مابيجي يزورنا هنا ويعمل سياحه طبيعية . . ليه مانخلهوش يعمل سياحه تخيليه . . ليه مانوظفش الشبكات دي في خدمة التنمية الزراعية وتحسين معيشة الفلاحين مثلا . . أنت شفت مثلا البنوك كان عليها زحام فظيع ازاي وقت الناس ماراحت تسحب مدخرات علشان تشتري سهم المصرية للاتصالات . . ماكينات الصرف الآلي اللي في البنوك محلتش موضوع الزحمة دي مش برضه لو كان القطاعات المالية والبنوك بتعتمد في شغلها علي شبكات المعلومات والاتصالات صح . . مكانش حصل اللي شفناه ده . . أحنا بنخش علي مواقع الوزارات مابنلقيش غير شوية بيانات كل الناس عارفاها وبتقعد فترة كبيرة ماحدش بيحدث البيانات دي . . أحنا لسه بنشوف طوابير ومركزية من الناس الغلابة عشان يطلعوا بطاقة ولارخصة عربية والكلام الكتير اللي أحنا سامعينه عن الحكومة الاليكترونية لسه كلام في كلام . . يعني نرجع تاني لموضوع أحنا عندنا أحدث تكنولوجيا . . أنما أحنا بنعمل بيها أيه وكله كله كوم وعشقنا وحبنا للفجوة الرقمية كوم . . وأحبك ياسيتاموني .
. . بس بقي ياجماعه خلونا نسمع أغنية التحرير . . تحرير الخدمات دا شئ ضروري . . أحنا هانجذب الاستثمارات العالمية . . مش عارف هاتيجي لينا أزاي . . عشان تاريخنا الطويل ! ! مش قلت لك قبل كده أحنا سوق كبير . . أيوه كل ده حلو . . لكن دي بتنخفض . . دول بيسحبوا فلوسهم من البورصه وبيخرجوا بره . . بس برضه ضروري هم بيدوروا علي فرص استثماروهم باصين كويس لينا يعني هم عارفين حجم السوق وعارفين معدلات الانتشار للخدمات التليفونية وعشان كده هم ساعات بيعرضوا علينا قروض كتير عشان يدخلوا . . كل دا حلو بس اللي حاصل غير كده . . هم برضه عارفين أن فيه مخاطر . . هم دايما بيجوا لما بتقل نسبة المخاطره . . ودي بتقل بمشاركة ناس من البلد أو بنوك وطنية في المشروعات والبلد كلها والناس اللي فيها بيطمنوا لما نسبة مشاركتنا تكون أعلي منهم بحاجه بسيطة عشان مايتحكموش فينا ويستنزفوا الارباح ويخرجوها بره وده يضمن بالفعل نقل الخبرات للعماله المصرية ويخلينا نملي شروطنا ونعمل تنمية حقيقية . . وبرضه مع التحرير ده أحنا عايزين نحمي البلد والناس اللي فيها ، عايزين نقوي الكيان الكبير عندنا الشركة الأم عشان السوق بتاعنا يفضل في أمان ومايتاخدش مننا . . زي مابيحصل في الصين . . عاملين تحرير للسوق وبيجذبوا روؤس أموال من خارجهم كثير جدا لكن بيخلوا المدخرات الوطنية تشارك بنسبة أعلي عشان يعملوا كنترول علي السوق وزي ماأنت شايف معدلات التنمية هناك مش محتاجة تعليق . . هو فيه أكثر من أنهم بيسموهم المارد الصيني ,امريكا ماتقدرش تدوس لهم علي طرف . . مش زي ماهنا التحرير والخصخصة ريحتهم فاحت . . طب ماهي الصين فيها قطاع خاص وتحرير . . وتاريخنا أحنا أقدم من تاريخهم . . لكن تقول أيه . . هم بيظبطوا القطاع الخاص هناك وأحنا هنا بنرضعه وبنطبطب عليه وندلعه . . زي مانانسي عجرم بتقول . . هو بيكون عليه ديون قد كده . . وبنديله فترات سماح للسداد وعليهم بوسه وياريت بيسدد في الآخر .
وفي الآخر أيه ذنب المواطن في القصه دي . . الخدمات بتغلي عليه وبيصرخ . . وآ آ آ آ آ آ ه يابلــــــد .
لنزار قباني قصيدة " بلقيس " . . ساقول في التحقيق / كيف غزالتي ماتت بسيف أبي لهب / كل اللصوص من الخليج الي المحيط / يدمرون / ويحرقون / وينهبون / ويرتشون / ويعتدون علي النساء / كما يريد أبو لهب / كل الكلاب موظفون / ويأكلون / ويسكرون / علي حساب أبي لهب / لاقمحه في الارض تنبت دون رأي أبي لهب / لاطفل يولد عندنا / الا وزارات أم يوما / فراش أبي لهب / لاسجن يفتح / دون رأي أبي لهب / لارأس يقطع / دون أمر أبي لهب / ساقول كيف أستنزفوا دمها / وكيف استملكوا قمحها / فما تركوا به وردا / ولاتركوا عنبا / هل موت بلقيس / هو النصر الوحيد / بكل تاريخ العرب / بلقيس / يامعشوقتي حتي الثماله / الانبياء الكاذبون / يقرقضون / ويكذبون علي الشعوب ولارساله .
ساقول في التحقيق / أني اعرف الاسماء / والاشياء / والسجناء / والشهداء / والفقراء / والمستضعفين / وأقول أني اعرف السياف قاتل زوجتي / ووجوه كل المخبرين .
No comments:
Post a Comment